Trajneri i Romës, Eusebio Di Francesco është tallur duke thënë se dëshiron të transferojë superyllin e Barcelonës, Lionel Messi, në rast të largimit të Edin Dzeko.

Sulmuesi boshnjak me përvojë, Edin Dzeko, është duke u kërkuar me ngulm nga Chelsea, me kërkesë të trajnerit italia, Antonio Conte.

Por, trajneri i gjigantit italian e ka marrë me shumë relaks spekulimet rreth largimit të sulmuesit të tij kryesore, duke deklaruar se ka kërkuar Lionel Messi si zëvendësues i Dzekos.

“Unë pyeta për Lionel Messi, por më treguan se është e pamundur”, tha Di Francesco, raporton “Daily Star”, transmeton arbresh.info.

“Të lëjmë anash humorin, askush nuk do të dëshironte që lojtari kyq i skuadrës të largohej nga skuadra në janar. Por, nëse ndodhë një trasnsferim, ju e dini përse”, ka shtuar ai.

“Unë nuk do të pranoja, shpresoj se Dzeko do të qëndroj deri në fund të sezonit dhe të jetë i gatshëm për ne”, përfundoi strategu italian.

Sipas mediave italiane Chelsea ka ofruar 26 milionë euro për 32 vjeçarin dhe se ish sulmuesi i Manchester City, ka arritur marrëveshje personale me Chelsea.

Megjithatë, Roma është duke i rezistuar ofertave të Chelsea për sulmuesin e tyre, ku kanë mbetur vetëm edhe katër ditë të hapura të afatit kalimtar të janarit. /arbresh.info/